МУСОДИРАИ ЯРОҚ ДАР БАДАХШОН

   Душанбе, 17 феврал. (АМИТ «Ховар», Анварбек Сиддиқов).- Кормандони мақомоти ҳифзи ҳуқуқ дар яке аз дидбонгоҳҳои минтақаи Бадахшон автомашинаи тамғаи «Митсубиси»-ро, ки таҳти идоракунии ронанда Ислом Туронов, истиқоматкунандаи шаҳри Душанбе қарор дошта аз самти ноҳияи Ванҷ ба шаҳри Душанбе ҳаракат дошт, мавриди санҷиш қарор доданд.      Тавре аз ВКД-и ҷумҳурӣ ба АМИТ «Ховар» иттилоъ доданд, ҳангоми азназаргузаронии бағоҷи шахсии мусофир Усмон Қудратов, соли таваллудаш 1983 аз зери себҳои дар дохили қуттии картонӣ ҷой дошта 1 адад яроқи оташфишони тамғаи АКМ-7,62 бо рақами РФ 8237, соли бароришаш 1984 бо қундоқи бурида ва 1 адад тирдони бе тир ёфт ва мусодира гардид.    Оид ба ин ҳодиса парвандаи ҷиноӣ оғоз шуда, тафтиш идома дорад.