НАХУСТНАМОИШИ ФИЛМИ НАВ ДАР «ТОҶИКИСТОН»
Душанбе, 2 феврал. (АМИТ «Ховар», Дилшодаи Ҷонмард). — Имрӯз, 2 феврали соли 2011 дар «Кохи Тоҷикистон» филми таҳия намудаи Муҳаббат Сатторӣ таҳти унвони «Афсонаи хоб», ки ба мавзӯи тарбияи фарзанд ва масъулияти волидайн бахшида шудааст, намоиш дода мешавад. Муҳаббат Сатторӣ дар сӯҳбат бо мухбири АМИТ «Ховар» ҳадафи таҳияи филмро шарҳ дода гуфт, ки сужаи филм чунин аст: Духтарчае то шаб омадани падарашро аз кор интизор мешавад. Рӯзе тағояш ба хонаи онҳо меҳмонӣ меояд ва 50 сомонӣ ба дасташ медиҳаду мегӯяд: бароят ширинӣ ё бозича харида натавонистам. Ин пулро бигир ва худат чизи дилхоҳатро бихар. Духтарча ин пулро дар қабати либосҳои лӯхтакчааш пинҳон карда, бегоҳ вақте падараш аз кор бармегардад, аз вай мепурсад: дадаҷон, як рӯзи кории Шумо чанд пул аст? Падараш мегӯяд: 50 сомонӣ. Духтарча 50 сомонии тағояш додаро ба падараш дода мегӯяд, ки инро гиреду пагоҳ ба кор наравед, мехоҳам як рӯзи кории Шуморо бихарам, то шумо як рӯз ба кор нараведу бо ман бозӣ кунед. Ёдовар мешавем, ки қаблан Муҳаббат Сатторӣ филмҳои «Пайванди шикаста» ва «Падруду пайғом»-ро таҳия намуда ба намоиш гузошта буд. «Афсонаи хоб» филми сеюми ӯ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






