НИҲОЛҲОИ ҲИНДУСТОН ДАР ТОҶИКИСТОН

Кӯлоб,  8  феврал. (АМИТ «Ховар», С.Холов). – Дар боғи  фарҳангу  истироҳатии  шаҳри  Кӯлоб  нахустин ярмарка- фурӯши  ниҳол  дар  соли  2011 – ум баргузор  гардид, ки  дар  он  ниҳолпарварони  ҳамаи  ноҳияҳои  минтақаи  Кӯлоб иштирок намуда,  беш  аз  100  ҳазор  ниҳоли   дарахтони мевадиҳанда,  ороишию  сояафкан  ва  тухмии  гулу буттаҳоро ба  фурӯш  бароварданд. Чун  дар  ярмаркаҳои қаблӣ  шаҳрвандон  бештар   ба  ниҳолҳои мевадиҳанда  таваҷҷӯҳ  зоҳир  намуда,  аслан  ниҳолҳои  дар  ноҳияҳои  кӯҳистони  минтақа  парвариш гардидаро  хариданд. Бояд  гуфт, ки  баргузории  чунин  ярмаркаҳо  дар  табодули  таҷрибаи  байни кишоварзон нақши  муносиб дорад, зеро дар  фурӯшгоҳи  хоҷагии  ҷангали  ноҳияи  Данғара  ниҳолҳое  пешкаш  гардиданд, ки  аз  кишвари  Ҳиндустон  оварда шуда,  бори  аввал  дар Тоҷикистон ба  парвариши  онҳо  шурӯъ намудаанд.  Дар  ярмаркаи  фурӯши  ниҳол  дар  баробари  пешниҳоди  навъҳои  гуногуни  ниҳолҳо аз  ҷониби  Муассисаи  давлатии  навтаъсиси  муҳофизати  растаниҳо ва химикикунонии  кишоварзии  вилояти  Хатлон ба боғдорон  теъдоди  зиёди  дастурҳои  методӣ  оид  ба  истифодаи  дурусти  заҳрхимикатҳо  ва  намунаи  дорувориҳо низ  пешниҳод гардид.