НОЗИЯ БО «ЧАМАНОРО» БА ҲИНД МЕРАВАНД

Душанбе, 2 феврал. (АМИТ «Ховар», Дилшодаи Ҷонмард).- Аз 1 то 15  феврали соли равон дар шаҳри Фаридободи Ҷумҳурии Ҳиндустон Фестивали байналмилалии  ҳунарҳои мардумии Сураҷкунд (Surajkund Crafts Mela) баргузор мегардад.             Намоишгоҳи ҳунарҳои мардумии Сураҷкунд (Surajkund Crafts Mela) ин олитарин падидаи фарҳангии анъанавии ҳарсола мебошад, ки  анъана ва фарҳанги мардуми Ҳинд ва дигар мамолики ширкаткунандаро таҷассум  менамояд.             Мавриди зикр аст, ки соли гузашта ҳунарнамоии ҳайати Ҷумҳурии Тоҷикистон дар ин давлат сазовори баҳои баланд гардида буд.             Бо пешниҳоди Вазорати фарҳанги ҷумҳурӣ имсол дар қатори ҳунармандони беш  аз 20 давлати дунё гурӯҳи ҳунарпешагони ансабли рақсии «Чаманоро», ҳунармандони ансамбли созию овозии «Садои Суғд»-и Кохи фарҳангии ба номи Абӯабдуллоҳи Рӯдакии шаҳри Хуҷанд ва овозхони шинохта Нозияи Кароматулло дар ин фестивали байналмиллалӣ иштирок менамоянд.