«НУРОБОД»-РО КӢ МЕСОЗАД?

         Душанбе, 9 феврал.(АМИТ «Ховар», Марзия Саидова).- Эрон ба бахши энергетикии Тоҷикистон таваҷҷӯҳ зоҳир карда ният дорад  лоиҳаҳои  энергетикии худро дар Тоҷикистон татбиқ намуда тавсеа бахшад.           Ба андешаи Алиасғари Шеърдӯст- cафири Эрон дар Тоҷикистон  алҳол кишвараш масъалаи сохтмони ду нерӯгоҳ — «Нуробод-1»   ва «Нуробод-2» — ро дар Тоҷикистон баррасӣ менамояд. Ин иншооти гидроэнергетикӣ, ки дар шарқи Тоҷикистон бунёд  мешаванд, иқтидори ҳар кадомашон 350 мегаватӣ  аст.          Шеърдӯст афзуд, ки сафорати Эрон дар Душанбе тамоми санадҳои заруриро ба роҳбарияти кишвараш ҷиҳати  сохтмони ин нерӯгоҳҳо пешниҳод намудааст ва мунтазири натиҷаи ниҳоии он аст.