«ОҚИЛАИ ҲИКМАТ» -ОЗМУНИ ХУДШИНОСӢ

   Душанбе, 11 феврал. (АМИТ «Ховар», Дилшодаи Ҷонмард).- Имрӯз дар Донишгоҳи аграрии Тоҷикистон озмун-викторинаи «Оқилаи ҳикмат» миёни донишҷӯдухтарони Донишгоҳи аграрӣ ва Донишгоҳи давлатии тиббии Тоҷикистон баргузор мегардад.  Мавриди зикр аст, ки Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ҳамкорӣ бо шӯъбаи кор бо занон ва оилаи дастгоҳи раиси шаҳри Душанбе ҷиҳати татбиқи амалии қарори Ҳукумати Ҷумҳурии Тоҷикистон «Дар бораи «Барномаи ҷавонони Тоҷикистон» барои солҳои 2010-2012», қарори раиси шаҳри Душанбе «Дар бораи тасдиқи нақшаи чорабиниҳо оид ба татбиқи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020 дар шаҳри Душанбе» ва тарбияи самарабахши ҷавондухтарон дар рӯҳияи худшиносиву илмандӯзӣ озмун-викторинаи «Оқилаи ҳикмат»-ро миёни донишҷӯдухтарон таъсис додааст.     Дар ин бора ба хабарнигори АМИТ «Ховар» аз бахши иттилоотию таҳлилии Кумитаи ҷавонон, варзиш ва сайёҳӣ иттилоъ доданд.