ПАРВАНДА БАРОИ ФИРЕБГАРӢ

  Душанбе, 16 феврал. (АМИТ «Ховар», Анварбек Сиддиқов).- Кормандони мақомоти ҳифзи ҳуқуқи ҷумҳурӣ ҳангоми гузаронидани амалиёти махсус Ҳусейн Ятимовро дастгир намуданд.   Тавре аз маркази матбуоти ВКД-и Ҷумҳурии Тоҷикистон иттилоъ доданд, номбурда корманди Корхонаи фаръии хоҷагию манзилии КВД «Тоҷикнефтугаз ва ангишт»-и Вазорати энергетика ва саноати ҷумҳурӣ мебошад. Ӯ аз ваколатҳои мансабиаш истифода намуда бо роҳи фиреб ба боварии шаҳрванд Оқила Абдуллоева даромада, бар ивази 0,06 га қитъаи замини наздиҳавлигӣ аз ӯ 4200 доллари ИМА гирифта барои эҳтиёҷи худ сарф намудаст.   Аз рӯи ҳодисаи мазкур парвандаи ҷиноятӣ кушода шуда тафтиш идома дорад.