РАСИДАН БА ҲАДАФҲОИ ҲАЗОРСОЛА

    Душанбе, 21 феврал. (АМИТ «Ховар», Лаззат Диловарзод). — Бино ба гуфти академики Академияи муҳандисии Тоҷикистон  М.Абдусамадов, айни замон дар ҷумҳурӣ  ҳудуди 743 ҳазор гектар замини обёришаванда мавҷуд аст. Барои таъмини амнияти озуқаворӣ ва расидан ба ҳадафҳои рушди ҳазорсола тибқи Консепсияи истифодаи  самаранок  ва ҳифзи захираҳои об дар ҶТ бояд 836,4 ҳазор гектар заминҳои нав азхуд   шаванд.    Дар назар аст, ки аз заминҳои азхудшаванда 385 ҳазор га ба вилояти Хатлон, 334 ҳазор га ба вилояти Суғд,  111 ҳазор ба ноҳияҳои тобеи ҷумҳурӣ ва 6,4 ҳазор гектар ба ВМКБ рост меоянд.    Ҳангоми амалӣ шудани ин ҳадафҳо майдони умумии фонди мелиоративии заминҳои ҷумҳурӣ  ба 1 млн. 580 ҳазор гектар мерасад, ки мақсад аз он таъмини аҳолӣ бо ҷойҳои нави корӣ ва паст кардани сатҳи камбизоатї дар кишвар мебошад.