РУШДИ АСАЛПАРВАРӢ ДАР МАНОТИҚИ КӮҲИСТОН

Хоруғ, 7 феврал. (АМИТ «Ховар», Л.Додо).- Ҳукумати Ҷумҳурии Тоҷикистон  пайваста дар талоши он аст, ки дар ноҳияҳои кӯҳистони мамлакат чорводорӣ, замбӯри асалпарварӣ ва дигар шуғлҳои ба шароити маҳал мувофиқро рушд диҳад. Ин аст, ки дар ноҳияҳои кӯҳистон солҳои охир парвариши замбӯри асал хеле зиёд шудааст. Соли 12 – ум   аст, ки  сокини  ноҳияи  Шуғнон Сулаймоншоҳ Назиров  машғули  асалпарварист.  Дар  ибтидо ӯ  ду оила  замбӯри  асал  дошт,  ҳоло  бошад теъдоди  он  ба  70 оила   расидааст. Сулаймоншоҳ  замбӯри  асалро  асосан  дар   мавзеъҳои  кӯҳии  Веру Ванқалъаи  ноҳияи  Шуғнон   парвариш менамояд, зеро  иқлими мувофиқу гулҳои  гуногуни  кӯҳӣ  доранд. Шароити хуби ин мавзеъ   имконият  медиҳад, ки Сулаймоншоҳ  дар як сол  беш  аз 700  кг  асали  хуштаъми тоза  гирад.  Соли  ҷорӣ   ин асалпарвари номӣ   750  кг асал ҷамъоварӣ намуд.