РУШДИ СОҲАИ ОБУҲАВОСАНҶӢ

   Душанбе, 11 феврал. (АМИТ «Ховар», Назир Назиров).- Фаъолияти Кумитаи ҳифзи муҳити зист асосан ба таъмини иҷрои сиёсати пешгирифтаи давлат дар самти пешбурди сиёсати экологӣ нигаронида шуда, дар ин давра корҳои назаррас ба анҷом расонида шуд, зикр намуд дар сӯҳбат бо хабарнигори АМИТ “Ховар” раиси Кумита Талбак Салимов.    Барои рушди соҳаи ҳавосанҷӣ аз тарафи Ҳукумати Ҷумҳурии Тоҷикистон се барномаи соҳавӣ қабул гардид.  Дар доираи Барномаи давлатии «Барқарорсозии стансияҳои обуҳавосанҷӣ ва дидбонгоҳҳои обченкунии Ҷумҳурии Тоҷикистон дар солҳои 2007-2016» 7 адад стансияҳои обуҳавосанҷӣ ва 11 дидбонгоҳи обченкунӣ барқарор гардид. Илова бар ин, аз ҳисоби кўмакҳои техникии башардӯстона 13 стансия ва дидбонгоҳи обченкунии ВМКБ барқарор гардид.    Дар соли 2011-ум ба нақша гирифта шудааст, ки 28 дастгоҳ ва 20 нуқтаи мушакпаронӣ, аз ҷумла дар шаҳру ноҳияҳои Турсунзода -5 адад, Ҳисор – 5, Ҷалолиддини Румӣ- 2, Бохтар -2, Ёвон -2, Данғара -4 адад насб гардад.