САФАРБАРНАМОИИ 5 ҲАЗОР ДОНИШҶӮ БА ИДИ НАВРӮЗ

 Душанбе, 8  феврал. (АМИТ «Ховар», Сангзода Муслиҳиддин). — Баҳри мутантан   таҷлил намудани   иди Наврӯзи имсола, ки ҷашни байналмилалӣ эълон гардидааст, дар ҳама  гӯшаву канори ҷумҳурӣ    омодагиҳо    идома доранд.  Аз ҷумла, дар Донишгоҳи миллии Тоҷикистон  барои боз ҳам   шукӯҳманд  гузаронидани  ҷашни  Наврӯзи  Аҷам донишҷӯёну устодон тайёрии хуб мебинанд.  Имрӯз  ба ин муносибат дар шаҳраки  донишҷӯён ҷамъомад доир гардид, ки  дар он кулли  донишҷӯён иштирок намуданд.   Дар ҷамъомад   роҳбарони ДМТ  зикр намуданд, ки барои  иштирок дар ҷашни Наврӯзи имсола зиёда аз 5 ҳазор донишҷӯ сафарбар   шудаанд, ки аз ин   2700 нафарашон аз Донишгоҳи миллии  Тоҷикистон  мебошанд.    Ҳамчунин зикр шуд, ки   донишҷӯён ҷиҳати таҳияи барномаҳои наврӯзӣ  дар ду баст ширкат менамоянд.             Шурӯъ аз 10- уми феврал як қисми донишҷӯён дар  варзишгоҳи марказӣ  ва қисмати дигар дар Наврӯзгоҳ  (собиқ  Ипподром)  ба тамрин оғоз менамоянд.