СЕМИНАРҲОЕ, КИ ТАРТИБИ АНДОЗБАНДИРО МЕОМӮЗАНД

Февраль 7, 2011 14:48

Душанбе, 7 феврал. (АМИТ «Ховар», Дилшодаи Ҷонмард). — Бо назардошти дастуру супоришҳои Сарвари давлат  тақвият бахшидан ва гузаронидани корҳои фаҳмондадиҳиву тавзеҳотӣ бо андозсупорандагон дар Кумитаи андози назди Ҳукумати Ҷумҳурии Тоҷикистон силсилаи семинар-машваратҳо идома доранд.  Дар семинаре, ки имрӯз дар Кумита дар мавзӯи «Вазъият ва мушкилиҳои соҳаи андозбандӣ дар Ҷумҳурии Тоҷикистон» аз рӯи тартиби такмилшуда гузаронида шуд, тибқи рӯзномаи мувофиқашуда дар он дар баробари кормандони Кумитаи андоз андозсупорандагон низ бевосита иштирок ва суханронӣ намуданд.       Дар ин машварат  зиёда аз 300 нафар роҳбарон, сармуҳосибон ва дигар шахсони масъули субъектҳои соҳибкорӣ, шахсони ҳуқуқӣ ва соҳибкорони инфиродӣ аз ноҳияҳои шаҳри Душанбе  иштирок намуда, оид ба масъалаҳои маъмурикунонии андозҳои ғайримустақим, тартиби соддакардашудаи андозбандӣ ва моҳияти тағйироту иловаҳои нави Кодекси андоз андешаҳои худро иброз  намуданд.               Мавриди зикр аст, ки гузаронидани чунин семинар-машваратҳо бо иштироки андозсупорандагон ва мутахассисони соҳа барои баланд бардоштани савияи дониши касбӣ ва ҳуқуқии андозсупорандагон мусоидат намуда, баҳри сари вақту дуруст ҳисоб ва пардохт намудани андозҳо заминаи воқеӣ мегузорад. Баргузории семинар-машваратҳо дар тамоми минтақаҳои  ҷумҳурӣ ба назар гирифта шудааст.

Февраль 7, 2011 14:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд