ШАҲРДОРӢ ЭҲТИЁҶИ НАМОЗГУЗОРОНРО ҚОНЕЪ МЕГАРДОНАД

  Душанбе, 14 феврал.(АМИТ «Ховар», Марзия Саидова).- Масъалаи мутобиқ ба талаботи қонунгузории амалкунанда қонеъ гардонидани эҳтиёҷи намозгузорон ва воқеияти зарурат ба сохтмони масҷидҳои иловагӣ дар асоси Нақшаи генералии шаҳри Душанбе 14 феврал дар ҷаласаи шаҳрдорӣ, ки бо иштироки фаъолони пойтахт дар ҳузури Раиси шаҳри Душанбе Маҳмадсаид Убайдуллоев доир гардид, баррасӣ шуд. Раиси шаҳр роҷеъ ба назорати аз рӯи таъинот истифодашавии ҷойҳои ҷамъиятӣ дар ҳудуди шаҳраку маҳаллаҳо ба масъулин дастурҳои мушаххас дод.  Дар робита Раиси шаҳр сохторҳои марбутаи пойтахтро вазифадор намуд, ки дар мӯҳлати 1 моҳ масъаларо амиқ омӯхта, таҳлил намуда, хулосаи асоснокро бобати тасмимгирии минбаъда ба унвони шаҳрдорӣ пешниҳод созанд. Дар ин хусус ба АМИТ «Ховар» котиби матбуотии Раиси шаҳри Душанбе Шавкат Саидов иттилоъ дод.