ТАҶЛИЛИ РӮЗИ МИЛИСА ДАР ХУҶАНД
Душанбе, 5 феврал. (АМИТ «Ховар», Бекназари Абӯбакр). — Имрӯз дар шаҳри Хуҷанд ба муносибати 86-солагии таъсисёбии милисаи Тоҷикистон ҷамъомади тантанавии ҳайати шахсии шӯъбаи корҳои дохилии шаҳри Хуҷанд баргузор гардид. Раиси шаҳри Хуҷанд Содиқҷон Мирхолиқов зимни суханронии худ корнамоиҳои қаҳрамононаи аввалин милисаҳои тоҷикро дар мубориза баҳри барқароркунии Ҳокимияти шӯравӣ дар Тоҷикистон ва шуҷоати наслҳои минбаъдаро дар пойдории сохти конститутсионии Тоҷикистони ҷавони соҳибихтиёр таъкид дошт. Ӯ аз номи мақомоти иҷроияи ҳокимияти давлатии шаҳри Хуҷанд ҳайати шахсии шӯъбаи корҳои дохилӣ, кулли кормандони сохторҳои он ва собиқадорони милисаро бо 86-умин солгарди милисаи тоҷик муборакбод гуфта, ба кормандони беҳтарин Сипосномаи мақомоти иҷроияи ҳокимияти давлатии шаҳрро супорид. Аз номи роҳбарияти Раёсати корҳои дохилии вилояти Суғд ҳамкасбони худро муовини аввали сардори Раёсати корҳои дохилии вилоят, подполковники милиса Ҳотамҷон Дадобоев табрик намуд. Ба муносибати иди касбӣ ба кормандони соҳа тӯҳфаҳои хотиравӣ ва рутбаҳои навбатӣ супорида шуд. Дар ин бора ба АМИТ "Ховар" аз маркази матбуоти раиси шахри Хучанд иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






