ТАЪЛИМГОҲИ МАХСУСИ ДЗЮДО ДАР РӮДАКӢ

Шаҳраки Сомониён, 9 феврал. (АМИТ «Ховар», Ҳотам Рабиев).-Мақомоти иҷроияи ҳокимияти давлатӣ, шӯъбаи ҷавонон, варзиш ва сайёҳии ноҳияи Рӯдакӣ баҳри рушди соҳаи варзиш тадбирҳои мушаххас меандешанд. Бо назардошти дастовардҳои   варзишгарони ноҳия дар риштаи дзюдо ва бо мақсади равнақу ривоҷи варзиш ва тарбияи ҷисмонӣ дар мактабҳои варзишии кӯдакону наврасон дар  ноҳияи Рӯдакӣ таълимгоҳи махсуси кӯдакону наврасон оид ба дзюдо таъсис дода шуд. Ҳамчунин дар деҳоти ноҳия клубҳои варзишии «Ориён» ва «Шараф» фаъолият менамоянд,ки зиёда аз 1500 нафар наврасону ҷавононро ба варзиш фаро гирифтаанд.     Ёдовар шудан ба маврид аст, ки варзишгарон дар давоми соли 2010 дар мусобиқаҳои байналмиллалӣ соҳиби 6 медали тилло, 3 медали нуқра ва 7 медали биринҷӣ, дар мусобиқаҳои ҷумҳуриявӣ сазовори 7 медали тилло, 16 медали нуқра ва 8 медали биринҷӣ гардиданд, ки нисбат ба  соли гузашта 8 медал зиёд аст.