ТЕХНИКАИ ВАЗНИН МЕХАНИЗАТОРРО ПАХШ КАРД

    Душанбе, 16 феврал. (АМИТ «Ховар», Анварбек Сиддиқов).- Аксар вақт риоя накардани техникаи бехатарӣ боиси сар задани ҳодисаҳои нохуш мегардад.     Тавре аз ВКД-и кишвар ба хабарнигори АМИТ «Ховар» иттилоъ доданд, 15 феврал истиқоматкунандаи ҷамоати деҳоти Султонободи ноҳияи Рӯдакӣ Абдухолиқ Маҳмадхонов дар майдончаи истгоҳи мусофиркашонии заводи кимиёвии ноҳияи Ёвон трактори тамғаи «К-150», бе рақамро таъмир менамуд. Ногоҳ трактор дар ҳолати муҳаррикаш хомӯш будан ҳаракат карда ӯро зер намудааст. Дар натиҷа номбурда ҷароҳати вазнини ҷисмонӣ бардошта дар беморхонаи марказии ноҳия ба ҳалокат расид.