ВАРЗИШ БАР ЗИДДИ МАВОДИ МУХАДДИР

Бадахшон, 28 феврал. (АМИТ «Ховар», Л.Додо). — Рӯзҳои  22 – 23 – и  феврал  таҳти    шиори «Варзиш алайҳи маводи мухаддир» бо  кӯмаки молиявии ташкилоти  ҷамъиятии «Маслиҳат»  дар  мактаби  рақами  7 – и  шаҳри  Хоруғ байни  наврасону  ҷавонон аз  рӯи гӯштини  тарзи  самбо  мусобиқа  доир гардид, ки дар   он   беш  аз  150  нафар  гӯштингирони  вилоят  ширкат  варзиданд. Мудири  мактаби  варзишии  шаҳри  Хоруғ Гулподшоҳ Хайдобеков аз омодагии  паҳлавонони ҷавону  умедбахш  изҳори  хушҳолӣ намуда  гуфт, ки  чунин  мусобиқаҳо  маҳорату  истеъдоди варзишгаронро  сайқал медиҳанд. Дар оянда ин  наврасону ҷавонон  шарафу  номуси ватанро дар  арсаи ҷаҳонӣ ҳифз  менамоянд. Дар  байни  ҷавонон Азими  Гулмир,  Дидори Ҳамроҳзода, Далер  Қурбонов маҳорати хуб нишон дода,   соҳиби  ҷойҳои  аввал   гардиданд.  Ғолибон аз тарафи  маъмурияти мактаби  варзишии  шаҳр ва ташкилоти ҷамъиятии «Маслиҳат» бо  ифтихорнома ва  мукофоти  молию пулӣ қадрдонӣ шуданд.