ВАСЛИ ДАСТГОҲИ 2 –ЮМ ДАР НЕРӮГОҲИ «ПОМИР — 1»

Хоруғ,   7 феврал. (АМИТ «Ховар», Л.Додо). –  Тавре  аз  Ширкати «Помир Энерҷӣ» иттилоъ доданд,   дар ин рӯзҳо  дастгоҳи 2 —  юми  нерӯгоҳи  барқи обии  «Помир – 1»  васл   мегардад ва дар  маросими васлнамоии он меҳмонони зиёд ширкат меварзанд. Ёдовар мешавем, ки нерӯгоҳ  соли  1994  бунёд ёфта, аз  4  дастгоҳ   иборат аст.  Нерӯгоҳ  дар   вазнинтарин  рӯзҳои сарди зимистон   сокинони  маркази  ВМКБ  ва  аксарияти  ноҳияҳоро   тӯли 24  соат  бо нерӯи  барқ  таъмин  намудааст, аммо  5 – уми   феврали  соли  2007 дар  ин   нерӯгоҳи барқӣ садамаи  даҳшатнок  рух дод ва   дастгоҳҳо  аз кор монданд. Хушбахтона, тавассути   заҳмати   мутахассисон  баъди гузашти чанд   муддат   дастгоҳҳои  1, 3 ва 4-уми нерӯгоҳ  мавриди  истифода  қарор   гирифтанд.  Баъди  талошу кӯшишҳои  зиёди  маъмурияти «Помир Энерҷӣ» таъмири  дастгоҳи 2 – юмро мутахассисони давлати Ҳиндустон ба  ӯҳда  гирифтанд ва   тобистони соли 2010 онро  вориди Бадахшон  гардониданд.