ВОХӮРИИ ВАЗИРОНИ МУДОФИАИ ДУ КИШВАР ДАР СУҒД
Душанбе, 9 феврал. (АМИТ «Ховар», Анварбек Сиддиқов).- Имрӯз дар вилояти Суғд вазири мудофиаи Ҷумҳурии Тоҷикистон Шералӣ Хайруллоев бо вазири мудофиаи Ҷумҳурии Қирғизистон Абибилла Қудайбердиев вохӯрӣ намуд. Тавре аз маркази матбуоти вазорати мудофиаи ҷумҳурӣ ба АМИТ «Ховар» иттилоъ доданд, дар мулоқот асосан ҷонибҳо масоили вобаста ба вазъи ҳарбӣ- сиёсӣ, таъмини амният дар минтақа ва боз ҳам густариш додани доираи васеи муносибатҳои самарабахши низомӣ ва дигар масъалаҳои марбут ба ҳамкориҳои ҳарбии вазоратҳои мудофиаи ҳарду ҷумҳуриро мавриди баррасӣ қарор доданд. Инчунин ҷонибҳо оид ба мӯътадил нигоҳ доштани оромию субот дар минтақа изҳори назар карданд. Дар мулоқот, инчунин, зикр гардид, ки ҳамоҳангии доимӣ, табодули иттилооту таҷрибаомӯзӣ, амалӣ намудани нақшаву дурнамо ва баррасии механизмҳои ҳамкорӣ дар доираи густариши муносибатҳои ҳарбӣ ва ҳарбӣ- техникӣ миёни ду кишвари дӯсту ҳамсарҳад таъсири бевосита мерасонад. Дар охир изҳори умед карда шуд, ки нақшаи дурнамои ҳамкориҳои минбаъдаи Ҷумҳурии Тоҷикистон бо Ҷумҳурии Қирғизистон дар ҳамаи самтҳои низомӣ таҳкиму тақвият ёфта, равобити дӯстию ҳамкории ду кишвар боз ҳам қавитар мегарданд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
