ЗАХИРАИ ТУХМӢ БАСАНДА АСТ

   Душанбе, 17 феврал. (АМИТ «Ховар», Лаззат Диловарзод).- То 1- уми феврали соли 2011 хоҷагиҳои ҷамъиятӣ ва деҳқонӣ (фермерӣ) ба андозаи 51 ҳазору 613 тонна ғалладонаи тухмӣ (аз ҷумла, 47 ҳазору 420 тонна гандуми тухмӣ) захира намуданд. Ба иттилои маркази матбуот ва иттилооти Вазорати кишоварзӣ то моҳи феврали соли ҷорӣ, ҳамчунин, 664 тонна ҷуворимаккаи тухмӣ, 27 ҳазору 206 тонна картошкаи тухмӣ ва 17 ҳазору 757 тонна чигити тухмӣ захира шуд.   Ин миқдор захираи тухмӣ имкон медиҳад, ки кишти пахта, гандум, ҷуворимакка ва картошка нисбат ба соли 2010 зиёд гардида, аз хориҷи кишвар ворид намудани тухмӣ ба маротиб кам ва аз ин ҳисоб даҳҳо миллион сомонӣ маблағ ба манфиати хоҷагиҳо сарфа гардад.