ҒОЛИБОНИ САФЕДОРАК

Душанбе, 16 март. (АМИТ «Ховар», Дилшодаи Хайруллоҳ). — Аз 11 то   13 марти соли равон мусобиқаи ҷумҳуриявӣ оид ба лижаронии кӯҳӣ дар мавзеи Сафедораки ноҳияи Варзоб доир гардид, ки  дар  он 65 нафар варзишгар, аз ҷумла як нафар духтар   ширкат варзиданд. Ҳамин тариқ,   Ашрафи Саидакбар  аз дастаи Вармоник ҷойи аввал, Маҳмудҷони Саидакбар  аз дастаи Сафедорак  ҷойи дуюм ва Муҳаммади Хайрулло аз дастаи Вармоник ҷойи сеюмро ишғол намуданд. Инчунин,  миёни кӯдакон Баракати Шамсулло  аз дастаи Сафедорак, дар байни наврасон Қадриддини Шарофиддин  аз дастаи  Роғ — 2, дар байни ҷавонон Амриддини Шарофиддин  аз дастаи  Роғ — 1, дар байни калонсолон Қудратов Алишер  аз дастаи Роғ — 1 соҳиби ҷойи аввал гардиданд. Маълумоти мазкур  аз бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба хабарнигори  АМИТ «Ховар» дастрас гардид.