ҚОНУНИ НАВ БО ҶИНОЯТКОРӢ МУБОРИЗА МЕБАРАД
Душанбе, 3 март. (АМИТ «Ховар», Марзия Саидова). — «Зарурати қабули Қонуни Ҷумҳурии Тоҷикистон «Дар бораи фаъолияти оперативӣ- ҷустуҷӯӣ» мутобиқ намудани он ба меъёрҳои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», таъмини афзалияти ҳуқуқҳои инсон ва шаҳрвандон, мубориза бар зидди ҷинояткорӣ ва таъмини амнияти давлат аз хатарҳои ҷаҳонӣ, бахусус ҷиноятҳои трансмиллӣ мебошад», гуфт зимни баррасии ин қонун вазири корҳои дохилии ҷумҳурӣ, генерал-полковник Абдураҳим Қаҳҳоров. Бояд тазаккур дод, ки қонуни мазкур, ки аз ҷониби палатаи поёнии парлумони мамлакат қабул шуд, аз 7 боб ва 25 модда иборат буда, ҳанӯз 13 сол муқаддам- соли 1998 қабул гардида, то ин вақт ба он 9 маротиба тағйиру илова ворид шудааст. Қонун масъалаҳои марбут ба фаъолияти оперативӣ -ҷустуҷӯиро дар мамлакат ба танзим медарорад. Бо қабули қонуни мазкур ҳамзамон, зарурат пеш омад, ки вакилон ба 6 қонуни дигар- Қонуни конститутсионии Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон», «Дар бораи милитсия», «Дар бораи сирри давлатӣ», «Дар бораи номгӯи маълумоти дорои сирри давлатӣ» ва ба Кодексҳои мурофиавии ҷиноятӣ ва гумрукии Ҷумҳурии Тоҷикистон тағйиру иловаҳо ворид намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






