АЗ РӮИ МЕЪЁР ДОДАНИ БАРҚ БЕКОР НАШУДААСТ

Душанбе, 7 март. (АМИТ «Ховар», Лаззат Диловарзод). — Ширкати саҳомии холдингии шакли кушода (ШСХК) –и «Барқи тоҷик» аз 21 –уми феврали соли ҷорӣ бо сабаби кам шудани оби обанбори Норак додани барқи рӯзонаро бекор кард. Айни ҳол маҳдудияти додани барқ аз соати 22 то 5 –и пагоҳӣ  ва аз соати 10 -и пагоҳӣ  то 5 –и  бегоҳ нигоҳ дошта шудааст.   Ба гуфти кормандони мутасаддии ширкати мазкур, меъёри муқарраргардида танҳо баъди зиёд шудани оби Вахш бекор  мешавад. Бо  сард шудани  ҳавои охири феврал ва аввалҳои моҳи март маҷрои дарёи Вахш кам гардид ва дар як шабонарӯз барои истеҳсол намудани 55 – 56 млн. кВт/ соат нерӯи барқ оби обанбор то 68 см. паст мефарояд ва ин боис шудааст, ки аз рӯи меъёр додани нерӯи барқ идома ёбад. Боиси тазаккур аст, ки аз 3 -юми ноябри соли 2010 то 21 –уми феврали соли ҷорӣ ҳамаи ноҳияҳо ба ҳисоби миёна 10 – 12 соат бо барқ таъмин карда шуданд.