АЗМИ НИҲОЛПАРВАРОНИ ВАҲДАТ

 Ваҳдат,  4 март. (АМИТ «Ховар», Зебо  Давлатова). – Тавре    роҳбари  хоҷагии  ниҳолпарварии  шаҳри  Ваҳдат Неъматулло  Назаров  ба  хабарнигори  АМИТ «Ховар»  иттилоъ дод, имсол ниҳолпарварони хоҷагӣ  бахшида  ба  иди  Наврӯз  170 ҳазор бех  ниҳол пешкаши  харидорон  намуданд. Дар  хоҷагии  ниҳолпарварӣ  тамоми  намудҳои  дарахтони  мевадиҳанда,  аз ҷумла  себу  нок,  зардолую  шафтолу,  бодому  чормағз   парвариш  меёбанд. Хоҷагии мазкур ба харидорон ниҳоли дарахтони  сояафкану ороишии  ҳамешасабз  низ пешниҳод менамояд.   Тибқи  нақшаи  Ҳукумати  Ҷумҳурии  Тоҷикистон ва Кумитаи  муҳити   зист  ва хоҷагии  ҷангали  Ҷумҳурии  Тоҷикистон имсол дар хоҷагии  ниҳолпарварии шаҳри Ваҳдат 300 ҳазор  бех  дарахтони  бодому  чормағз, ки  ба  муҳити  кӯҳистон  тобоваранд,   шинонида  мешаванд.