БОЗДОШТИ ШАҲРВАНДИ АФҒОНИСТОН БО 36 КГ 360 ГР НАШЪА

Душанбе, 3 март. (АМИТ «Ховар», Анварбек Сиддиқов).- Кормандони мақомоти ҳифзи ҳуқуқи ҷумҳурӣ бар зидди гардиши ғайриқонунии маводи нашъадор муборизаро пурзӯр менамоянд. Тавре аз маркази матбуоти ВКД-и кишвар ба АМИТ «Ховар» иттилоъ доданд, 2 марти соли ҷорӣ дар натиҷаи гузаронидани амалиёти махсус дар ноҳияи Фархори вилояти Хатлон истиқоматкунандаи улусволии Хонаободи Ҷумҳурии Исломии Афғонистон Гулҳаддин валади Маҳмаддин, соли таваллудаш 1976-ро  бо гумони даст доштан дар интиқоли маводи мухаддир боздошт намуданд. Ҳангоми кофтуков аз борхалтаи номбурда 34 килограмму 680 грамм бангдона ва 1 килограмму 680 грамм героин ёфт ва мусодира гардид.    Оид ба ин ҳодиса парвандаи ҷиноӣ оғоз  шуда тафтиш идома дорад.