ФАХРИ ЭРОН ДАР БОРБАД

Март 3, 2011 16:26

     Душанбе, 3 март. (АМИТ «Ховар», Марзия Саидова). — Ба ифтихори 20-умин солгарди ҷашни Истиқлолияти давлатии Ҷумҳурии Тоҷикистон ва Рӯзи модар  3 март дар муҷтамаи давлатии «Кохи Борбад»-и шаҳри Душанбе намоишгоҳи байналмилалии молҳои саноатӣ ифтитоҳ ёфт.     Ин чорабинӣ бо ибтикори Палатаи савдою саноати Ҷумҳурии Тоҷикистон ва ширкати намоишгоҳии «Сурӯши Хуросон»-и Эрон  бо мусоидати Ҳукумати Ҷумҳурии Тоҷикистон созмон дода шуд. Дар маросими ифтитоҳи намоишгоҳ масъулини Палатаи савдо ва саноати Ҷумҳурии Тоҷикистон ва кормандони масъули Сафорати Эрон дар Душанбе ширкат намуданд.        Назар ба иттилои намояндаи масъули  ширкати намоишгоҳии «Сурӯши Хуросон» Муҳаммад Умронӣ, ҳадафи намоишгоҳ тавсеаи ҳамкории иқтисодию тиҷоратии Тоҷикистону Эрон аст. Дар намоишгоҳ 25 ширкати саноатии Тоҷикистону Эрон ва Афғонистон маҳсули ҳунарҳои дастӣ, ҷавоҳироту атриёт, қолин, маводи тиббӣ, маҳсулоти хӯрокӣ ва маводу таҷҳизоти гуногуни сохтмониро ба намоиш ва фурӯш гузоштанд.  Хусусан,  ширкатҳои эронии «Фахри Эрон», «АВЕ», «Оротан» «Зармакарон», ки дар бахши истеҳсоли маҳсулоти хӯрокӣ,  маводи тиббӣ,  қолин ва ҷавоҳирот машҳуранд,  дар намоишгоҳ иштироки фаъол доранд. Намоишгоҳ то 8 март идома ёфта, шаҳрвандон  имкон доранд молҳои ниёзи худро дастрас намоянд.

Март 3, 2011 16:26

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд