КОР МЕХОҲӢ-БА “ОРИЁНО” БИЁ

Душанбе, 4 март.  (АМИТ «Ховар»,  Мавзуна Бойева).-  4-уми марти соли 2011 аз ҷониби Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар шаҳри Душанбе, раёсатҳои он дар ноҳияҳои   Сомонӣ, Шоҳмансур, Фирдавсӣ ва Сино дар  бинои  Маркази ҷумҳуриявии фарҳангии ҷавонон- «Ориёно»  ярмаркаи умумишаҳрии ҷойҳои кории  холӣ ва вазифаҳои озод баргузор  гардид. Маълумоти мазкур ба хабарнигори АМИТ «Ховар» аз шўъбаи   робитаҳои  байналмилалӣ  ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии   Ҷумҳурии Тоҷикистон дастрас гардид.                                                                          Дар  ярмарка 35 корхонаю муассисаҳои шаҳри Душанбе иштирок ва ба корҷўён 1931  ҷойи кори холиро пешниҳод намуданд. Дар ярмаркаи мазкур ба 44  нафар корҷўй  барои кор ва ба 8 нафар  барои  омўзиши    касбҳо  роҳхат дода шуд. Дар рафти ярмарка зиёда аз 465 нафар шаҳрвандони корҷўй ва бекор иштирок намуданд.