НАВРӮЗИ БАЛҶУВОН

Балҷувон,  17 март. (АМИТ «Ховар»,  С.Холов). –  Сокинони ноҳияи Балҷувони  вилояти  Хатлон ба  сардии  ҳаво нигоҳ накарда  барои сазовор таҷлил намудани ҷашни  ниёгон-  Наврӯзи  хуҷастапай  омодагии ҷиддӣ мебинанд.   Ҳамарӯза   ҳаваскорони  санъати   ноҳия       дар  толори  қасри  фарҳанг аз рӯи  барномаи театрикунонидашуда  машқ  мегузаронанд. Тайёрӣ   ба  ҷашни дар  пешистода на танҳо дар  маркази  ноҳия, балки  аз рӯи  нақшаи тартибдодаи  ҳукумати  маҳаллӣ  дар  ҳамаи  хоҷагиҳои   ноҳия  ҷараён  гирифта  истодааст.    Ба  гуфти  мудири   шӯъбаи   фарҳанги  ноҳияи  Балҷувон  бахшҳои алоҳидаи барномаи  театрикунонидашудаи ҷашнӣ  дар  маркази  ҷамоатҳо  низ  омода  шуда дар рӯзҳои ҷашн пешкаши меҳмонону сокинони ноҳия мегарданд.