САРМУҲАРРИРИ НАВИ «НАБЗИ ФАЙЗОБОД»

Файзобод,  4 март. (АМИТ «Ховар», Зебо  Давлатова). –   Мунаввара  Тағоева аз  зумраи  аввалин  ҷавондухтаронест, ки касби  рӯзноманигориро  пешаи  худ  намуда,  давоми  35  сол  дар  рӯзномаи  ноҳиявӣ  чун  котиби  масъул  фаъолият  намудааст. Гарчанде    касби  рӯзноманигорӣ заҳматталабу  пурмасъулият   аст,  аммо  ин  зани  поксиришт  тавонист бо  сеҳри  сухани  воло  ба   дили  ҳазорон  нафар  шаҳрвандони   ноҳия  ва  берун  аз он  роҳ ёбад.    Мунаввара  Тағоева   аъзои Иттиҳоди журналистони Ҷумҳурии Тоҷикистон буда, соҳиби унвони Аълочии  матбуоти  Ҷумҳурии  Тоҷикистон мебошад. Ӯ  аз  ҳизби  ҲХДТ     вакили  ноҳиявӣ  низ ҳаст.   Чанде қабл  дар  арафаи  Иди  модар     Мунаввара  Тағоева  сармуҳаррири  рӯзномаи  ноҳиявии  «Набзи  Файзобод»  таъин гардид.