СЕМИНАР ОИД БА ҲИФЗИ ИҶТИМОӢ
Душанбе, 3 март. (АМИТ «Ховар», Мавзуна Бойева).-Имрўз дар Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон бо мақсади тақвият бахшидани фаъолият дар самти ҳифзи иҷтимоӣ ва васеъ намудани доираи хизматрасониҳои иҷтимоӣ ба аҳолии эҳтиёҷманд семинари машваратӣ бо иштироки масъулини соҳа, коршиносҳои байналмилалӣ, роҳбарон ва кормандони шўъбаҳои хизматрасонии иҷтимоӣ дар мақомоти иҷроияи ҳокимияти давлатии шаҳру ноҳияҳои тобеи ҷумҳурӣ доир гардид. Солҳои охир ба ин самт таваҷҷўҳ зиёд шуда, шаклҳои нави хизматрасонӣ пешкаши қишри осебпазири ҷамъият мегарданд. Дар робита ба ин бояд зикр кард, ки дар миқёси ҷумҳурӣ 14 маркази хизматрасонии иҷтимоӣ ва будубоши рўзона ва 37 шўъбаи хизматрасонии иҷтимоӣ дар хона амал намуда, ба ниёзмандон зиёда аз 20 намуди хизматрасонии иҷтимоӣ, иҷтимоӣ-равонӣ, иҷтимоӣ-ҳуқуқӣ, иҷтимоӣ–тиббӣ, нақлиётӣ, санитарию гигиенӣ, миёнаравию намояндагӣ ва маслиҳатӣ мерасонанд. Айни ҳол дар ин муассисаҳо 656 нафар мутахассисон фаъолият намуда, ба 5194 нафар ниёзмандон хизмати иҷтимоӣ мерасонанд. Дар семинар ҳозирин оид ба паҳлўҳои кор ва он масъулияте, ки ба дўши кормандони ҳифзи иҷтимоӣ вогузор гардидааст, ишора намуда барои баланд бардоштани салоҳияти шўъбаҳо, бартараф намудани монеаҳои самти фаъолият, дуруст ба роҳ мондани коргузорӣ, ҷорӣ намудани шаклҳои нави хизматрасонӣ, роҳҳои бартараф намудани монеаҳо ибрози андеша намуданд. Баргузории ин гуна машварату омўзишҳо дар баробари таҷрибаомўзӣ барои афзун гардонидани малакаи корӣ манфиат мерасонад. Дар ин бора ба мухбири АМИТ «Ховар» аз шўъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон итиллоъ доданд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
