УМРИ ДУРӮҒ КӮТОҲ АСТ

Душанбе, 3 март. (АМИТ «Ховар», Анварбек Сиддиқов).- 2 марти соли ҷорӣ кормандони мақомоти ҳифзи ҳуқуқ дар ноҳияи Синои пойтахт шаҳрвандон Юсуфалӣ Худойқулов ва Барно Нодироваро дастгир намуданд. Тавре аз маркази матбуоти ВКД-и Ҷумҳурии Тоҷикистон ба мухбири АМИТ «Ховар» хабар доданд, номбурдагон бо роҳи фиреб ба боварии шаҳрванд Акрам Ҳалимов даромада, манзили истиқоматии ӯ, воқеъ дар кӯчаи Ҳуснобод, хонаи  53-ро ба маблағи 70 000 доллари ИМА нархгузорӣ карда баъди гирифтани маблағ ғайб задаанд. Инчунин, Ю. Худойқулов моҳи феврали соли 2009 бо роҳи фиреб ба боварии шаҳрванд Ишонҷон Мақсудов даромада автомашинаи  тамғаи «Lexus- 350»-и ӯро, ки арзишаш 50000 доллари ИМА-ро ташкил медод, гирифта ваъда додааст, ки фурўхта маблағашро бар мегардонад. Оид ба  ҳодисаҳои мазкур чораҳои зарурӣ дида  мешаванд.