ФАРОНСА БА ТАВСЕАИ ҲАМКОРИҲО ТАВАҶҶӮҲ ДОРАД
Душанбе, 12 апрел. (АМИТ «Ховар», Марзия Саидова). — Ҳамкориҳои самарабахши парлумонии Тоҷикистону Фаронса ва роҳҳои тақвияти он дар мулоқоти Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон ва Анри Зиппер де Фабианӣ, сафири фавқулодда ва мухтори Фаронса дар Ҷумҳурии Тоҷикистон 12 апрел дар Душанбе баррасӣ гардиданд. Назар ба итттилои котиби матбуотии палатаи поёнии парлумони мамлакат Муҳаммадато Султонов, ҷонибҳо масъалаҳои тавсеаи равобити судманди Тоҷикистону Фаронсаро дар бахшҳои гуногун баррасӣ намуда, пешниҳодҳои ҷолиб баён доштанд. Зикр шуд, ки дар ҳар ду давлат шароити мусоид ва фазои муносиб ҷиҳати тақвияти ҳамкориҳои самарабахш вуҷуд доранд. Шукурҷон Зуҳуров сатҳи равобити Тоҷикистону Фаронсаро қаноатбахш арзёбӣ кард. Зимни мулоқот мусоҳибон ҳамзамон, масъалаҳои тавсеаи ҳамкориҳои ду кишварро дар заминаҳои ҷалби сармояи Фаронса ба соҳаҳои гидроэнергетика, атриёт, электротехникӣ, кишоварзӣ, туризм, коркарди захираҳои маъдан ва робитаҳои ду кишварро дар доираи созмонҳои бонуфузи байналмилалӣ баррасӣ карданд.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
