ФАСОД РАВАНДИ РУШДИ ИҚТИСОДИРО ПАСТ МЕНАМОЯД

Душанбе, 13 апрел. (АМИТ «Ховар», Дилшодаи Хайруллоҳ). — Таъсири номатлуби коррупсия ба раванди рушди иҷтимоию иқтисодӣ, паст кардани сатҳи камбизоатӣ ва дигар паҳлӯҳои ҷомеа таъсир мерасонад.  Бо мақсади пешгирӣ аз ҷиноятҳои коррупсионӣ кормандони Раёсати назорати молиявӣ ва мубориза бо коррупсияи шаҳри Душанбе дар доираи барномаи огоҳонидани кормандони муассисаву идораҳо дар шӯъбаи корҳои дохилии  ноҳияи Исмоили Сомонии пойтахт вохӯрӣ доир намуданд. Зикр гардид, ки аз рӯзҳои аввали соҳибистиқлолии Ҷумҳурии Тоҷикистон ҳамаи мақомоти ҳокимият   барои мубориза бурдан бо коррупсия тадбирҳои зарурӣ андешиданд.  Кормандони соҳаи ҳифзи ҳуқуқ, ки барои ҳимояи ҳуқуқу манфиатҳои мардум бевосита фаъолият мекунанд, мардум ба онҳо боварии зиёд доранд.  Барои ин бояд ҳар як нафар кӯшиш намуда, бар зидди ҷиноятҳои коррупсионӣ мубориза барад. Даст ба ҷиноят задану ришва ситонидан падидаи номатлуб мебошад, ки ба паст гаштани сатҳи зиндагии мардум ва иқтисодиёти кишвар оварда мерасонад.  Баргузории чунин вохӯриҳо барои баланд гаштани  саводнокии кормандон ва паст гардидани ҷиноят дар самти ришваситонӣ мусоидат мекунад.