ЛОИҲАҲОИ КИШОВАРЗӢ АМАЛӢ МЕГАРДАНД

   Душанбе, 19 апрел. (АМИТ«Ховар», Сангзода Муслиҳиддин).-   Имрӯз  дар  Вазорати  кишоварзии  ҶТ  нишасти  матбуотӣ  бо иштироки муовинон ва аъзои раёсат баргузор  гардид. Зимни  суханронӣ  муовини  аввали вазири  кишоварзӣ   Сиҷоудддин  Исроилов   зикр намуд, ки  баҳри  афзун намудани  ҳаҷми истеҳсоли маҳсулоти кишоварзӣ, ҷиҳати  таъмини мардум бо маҳсулоти озуқаворӣ  ва  дар сатҳи баланд ҷашн гирифтани  20-солагии Истиқлолияти  давлатии  Тоҷикистон  мо тамоми тадбирҳоро меандешем.     Сиҷоудддин  Исроилов    афзуд, ки  солҳои  охир  ҳаҷми  истеҳсоли  тухмии  маҳаллӣ зиёд шудаву  мо метавонем  тухмии маҳаллии худро ба хориҷи кишвар содир намоем, аз ҷумла ба  Ҷумҳурии  Исломии Эрон.    Айни  замон  дар  соҳаи   кишоварзӣ  7 лоиҳаи  инвеститсионӣ ба маблағи  450 млн.  сомонӣ  дар  5 маркази  идоракунии  лоиҳаҳо  амалӣ шуда истодааст,  ки ин барои  рушди  кишоварзӣ судманд мебошад, зикр намуд С. Исроилов.     Дар нишаст  масъулини Вазорати  кишоварзӣ  зикр карданд, ки  имсол  дар ҷумҳурӣ  кишти пахта  дар 210  ҳазор гектар гузаронида шуда, аз ин  миқдор 10 ҳазор  гектарашро   пахтаи навъи  маҳиннах  ташкил   хоҳад дод.