ТАҲДИД БО ТАППОНЧА

Душанбе, 19 апрел. (АМИТ «Ховар», Мавҷуда Анварӣ). — 18 апрели соли ҷорӣ аризаи шаҳрванди Ҷумҳурии Халқии Хитой Тсенг Чин Тиян, соли таваллудаш 1950, муваққатан истиқоматкунандаи кӯчаи Қарабоев, х.89/1, ҳ.41, соҳибкори бозори «Корвон»,  ворид гардид, ки соати 16.00 дақиқаи рӯзи 18- уми апрел 3 нафар  шахсони номаълуми ниқобпӯш ва 1 нафари дар чашмонаш айнаки сиёҳшиша дошта, ки ҳамаашон дар тан либоси варзишӣ доштаанд, вориди хонааш шуда, ӯ ва дигар ҳамроҳонаш:  шаҳрвандони ҶХХ Чанг Шау Хе, соли таваллудаш 1982, Ли Хун Джин, соли таваллудаш  1990, Лин Джау Сунин, соли таваллудаш 1988-ро бо истифодаи таппонча ва корди ошхонагӣ таҳдид намуда, лату кӯб карда аз онҳо 2900 сомонӣ пули нақд, 1 адад телефони мобилии тамғаи «Самсунг» ва 2 адад телефони мобилии тамғаи «ТК Мобайл»-ро гирифта, аз ҷойи ҳодиса ғайб задаанд. Барои муайян ва дастгир намудани ҷинояткорон тафтиш идома дорад.          Дар ин бора ба АМИТ «Ховар» аз маркази матбуоти ВКД  ҶТ хабар доданд.