ТАБИБОНИ ТОҶИК ДАР КИШВАРҲОИ ДИГАР НИЗ ФАЪОЛИЯТ ДОРАНД

Апрель 13, 2011 17:44

Душанбе, 13 апрел. (АМИТ «Ховар», Дилшодаи Хайруллоҳ). — Дар семоҳаи аввали соли ҷорӣ Созишномаи ҳамкорӣ дар соҳаи тандурустӣ миёни Вазорати тандурустии Ҷумҳурии Тоҷикистон ва Вазорати тандурустии Ҷумҳурии Исломии Покистон ба имзо расид, хабар доданд масъулини Вазорати тандурустии Ҷумҳурии Тоҷикистон зимни нишасти хабарӣ ба хабарнигорон. Зикр гардид, ки барои вусъат додани ҷараёни тайёр намудани мутахассисони тибби оилавӣ дар минтақаҳо ва дар сатҳи ғайри марказ ба роҳ мондани бозомӯзии мутахассисони тибби оилавӣ корҳо ба анҷом расидаанд, аз ҷумла дар марказҳои таълимию клиникии тибби оилавӣ 42 табиб ва 51 ҳамшираи оилавӣ давраҳои бозомӯзии тибби оилавиро хатм намуданд.  Дар соҳаи тандурустии кишвар айни ҳол зиёда аз 20 барномаҳои соҳавӣ ва стратегияҳо амалӣ мегарданд, ки яктои он Барномаи миллии ҳимояи аҳолӣ аз бемории сил барои солҳои 2010-2015 мебошад.  Вазорат дар ошкор кардани доруҳои мӯҳлати истифодаашон гузашта, пастсифат ва ғайриқонунӣ корҳои намоёнро ба анҷом расонид.  Дар ин давра барои беҳ намудани шароити илмомӯзии донишҷӯён ва бо ҷои зист таъмин кардани онҳо корҳои намоён анҷом дода шуд.  Ҳамчунин, зикр гардид, ки имрӯз мутахассисони тоҷик дар соҳаи тибби бисёр кишварҳои ҷаҳон фаъолияти густурда  доранд.

Апрель 13, 2011 17:44

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд