ТОҶИКИСТОН МАЙДОНИ ЧЕМПИОНАТИ МИНТАҚАВӢ

Душанбе, 6 апрел. (АМИТ «Ховар», Бекназари Абӯбакр). — Аз 27 то 29 майи соли 2011 дар толори варзишии шаҳри Қайроққум якумин чемпионати Осиёи Марказӣ оид ба  муҳорибаи ҷанги дастӣ ва каратэи анъанавӣ баргузор мегардад. Дар ин бора ба АМИТ «Ховар» аз хадамоти матбуоти раиси вилояти Суғд иттилоъ доданд. Бо қарори махсуси раиси вилояти Суғд Қоҳир Расулзода ҳайати кумитаи тадорукоти чорабинӣ тасдиқ шуд. Раёсати ҷавонон, варзиш ва сайёҳии вилоят дар робита бо Федератсияи муҳорибаи ҷанги дастӣ ва каратэи анъанавии вилояти Суғд ҷиҳати дар сатҳи баланди ташкилӣ гузаронидани чемпионати мазкур тадбирҳои мушаххас андешида, тартиби баргузории онро тибқи талаботи  муқаррарнамудаи  Кумитаи ҷавонон, варзиш ва сайёҳии назди Ҳукумати  Ҷумҳурии Тоҷикистон ба роҳ мемонад.