ЯРМАРКАЕ, КИ 60 ҶОЙИ КОРИ ХОЛӢ ДОШТ

Файзобод,  12 апрел. (АМИТ «Ховар», Зебо  Давлатова). –  Тавре сардори  Агентии  давлатии  ҳифзи  иҷтимоӣ, шуғли  аҳолӣ  ва  муҳоҷирати  ноҳияи  Файзобод  Султон  Маҷидов  ба  хабарнигори АМИТ   «Ховар» иттилоъ  дод,  дар  бинои  Қасри  фарҳанги ноҳия  ярмаркаи  ҷойҳои  кории холӣ  баргузор  гардид.  Дар  ярмарка  120  нафар  корҷӯён  аз  ҳудуди  ноҳия  иштирок  намуданд. Барои  пешниҳод  кардани ҷойҳои  холӣ  15  ташкилоту  идораҳо  дар  ярмарка  ширкат  варзида, ба  корҷӯён  60 ҷойи  кори  холӣ  пешниҳод  намуданд. 10 нафар  корҷӯй  барои   кор роҳхат  гирифтанд.   Аз  ин шумора  6  нафар бо кори доимӣ  таъмин  шуданд. 20  нафар  корҷӯй  ба  касбомӯзӣ  равона шуда,   12 нафар  ба корҳои  ҷамъиятии  музднок  сафарбар  шуданд.  Султон  Маҷидов  афзуд, ки  дар  ярмарка  намояндагони   Маркази  саломатии  ноҳия, хоҷагии  манзилию  коммуналӣ,  ҷамоати  деҳоти  Файзобод ва  ҷамоати  шаҳрак  фаъолона  иштирок намуданд.