Қонуншиканони замин ҷаримабанди шуданд

Кӯлоб, 25 июл. (АМИТ «Ховар», Сулаймон Холов). — Дар шаҳри Кӯлоб шумораи қонуншиканони замин дар қиёс ба соли гузашта кам гардида, аз тарафи кумитаи заминсозӣ барои истифодаи самараноки замин сахт назорат мекунанд. Бино бар иттилои раиси кумитаи заминсозии шаҳри Кӯлоб Рустам Бобохонов, дар шаш моҳи соли ҷорӣ 64 ҳодисаи қонуншиканӣ ошкор гардида, 60 нафар ҷаримабандӣ шудааст, ки маблағи он 21 235 сомониро ташкил медиҳад. Ба гуфти манбаъ кумитаи заминсозӣ дар шаш моҳи соли ҷорӣ нисбати 9 нафар қонуншиканон санад тартиб дода, 5 адад санад ба прокуратура ва 4 адад санад ба суд ирсол гардидааст.