Ҳуҷҷатсупорӣ идома дорад

Хоруғ, 23 июл. (АМИТ «Ховар», Л.Додоев).- Қабули ҳуҷҷатҳои довталабон ба ягона мактаби олии вилоят — Донишгоҳи давлатии шаҳри Хоруғ, идома дорад. Донишгоҳ зодаи даврони истиқлолият буда, соли 1991 таъсис ёфтааст ва ҳамасола барои хоҷагии халқ теъдоди 700 мутахассисро тайёр менамояд. Имрӯзҳо қабули ҳуҷҷатҳои довталабон ба донишгоҳ аз рӯи 21 ихтисос идома дорад. Соли ҷорӣ аз ҷониби Вазорати маорифи ҷумҳурӣ барои Донишгоҳи давлатии шаҳри Хоруғ 642 ҷой ҷудо гардида, аз онҳо 407 нафар довталаб ба шӯъбаҳои бӯҷавӣ ва 235 нафарашон ба шӯъбаҳои шартномавӣ шомил хоҳанд гашт. То имрӯз ба донишгоҳ 700 нафар довталабон ҳуҷҷат супоридаанд.