186 иншооти нав дар деҳот

Хоруғ,  20 июл. (АМИТ «Ховар», Лутфишоҳ Додоев). –  Дар  давоми  9  соли  охир бо маблағгузории Ҳукумати ҷумҳурӣ  дар  деҳоти  ноҳияи  Роштқалъа  186 адад  иншооти  хурду  калон бунёд  гардид, ки  аксари   онҳо  муассисоти  таълимиву  тиббианд. Аз  ҷумла, мактаби рақами 21  деҳаи Бидиз, ки барои  сохтмонаш  800 ҳазор  сомонӣ  ҷудо  гардида буд, ба  наздикӣ  мавриди  истифода  қарор  гирифт.Бинои  мактаб  замонавӣ  буда,  дар  он  шароити  хуби  таълимӣ  фароҳам  оварда шудааст. Сарвари  мактаби   мазкур  Латофат Соҳибназарова  мегӯяд, ки  ҷавобан ба  ғамхориҳои  Ҳукумати  кишвар  ва  сарвари  давлат  кӯшиш   мекунем, ки  сатҳи  таълиму  тарбияро  боз  ҳам  болотар  бардорем.