2 миллион тонна бор аз кадом роҳ интиқол меёбад?

Душанбе, 22 июл.(АМИТ «Ховар», Лаззат Диловарзод).- Бино ба маълумоти Агентии омори назди Президенти ҷумҳурӣ, дар нимаи аввали соли аввали 2011 беш аз 4 млн.700 ҳазор тонна бор тавассути роҳи оҳани Тоҷикистон кашонида шудааст, ки нисбат ба ҳамин давраи соли гузашта 216 ҳазор тонна зиёд аст.Ҳаҷми воридоти мол беш аз 2 млн. 300 ҳазор тоннаро ташкил додааст, ки нисбат ба моҳҳои январ – июни соли 2010 ба андозаи 395 ҳазор тонна бештар аст.Ҳамлу нақли транзитии мол тавассути роҳи оҳани Тоҷикистон 1 млн. 900 ҳазор тоннаро ташкил додааст, ки нисбат ба ҳамин давраи соли 2010 605 ҳазор тонна кам аст. Ба гуфти сардори роҳи оҳани Тоҷикистон Амонуллои Ҳукуматулло, яке аз сабабҳои коҳиши ҳаҷми ҳамлу нақли транзитии мол кам шудани боркашонии маҳсулоти тиҷоратии Ҷумҳурии Ӯзбекистон тавассути қаламрави Тоҷикистон аст.Дар назар аст, ки соли ҷорӣ Ҷумҳурии Ӯзбекистон ҳамлу нақли маҳсулоти худро тавассути роҳи оҳани қаламрави Тоҷикистон ба андозаи 2 млн. тонна кам карда, онро аз тариқи роҳҳои дигари кишвари худ ба хориҷи он интиқол дода, даромади роҳи оҳани Тоҷикистонро коҳиш доданист.