Аз беэҳтиётӣ ба ҳалокат расид

Душанбе, 11 июл. (АМИТ «Ховар», Мавҷуда Анварӣ). — 9 июли соли ҷорӣ дар сохтмони «Осорхонаи Миллӣ», воқеъ дар кӯчаи Сомонӣ-1 шаҳрванди Ҷумҳурии Мардумии Чин, Ен Дз Суе соли таваллудаш 1976, корманди сохтмони «Нун Кен Дзян Гун», ҳалок гардид. Тибқи суханони сардори маркази матбуоти ВКД ҶТ Маҳмадулло Асадуллоев, номбурда ҳангоми таъмири лифти мусофиркаш аз беэҳтиётӣ аз ошёнаи 4-уми ҳамин сохтмон ба замин афтода, дар натиҷаи гирифтани ҷароҳати вазнини ҷисмонӣ дар ҷойи ҳодиса ба шаҳодат расид. Тафтишот аз рӯи ин ҳодиса идома дорад.