Аз «Наврӯз» ҷӯроб мехоҳед ?

Душанбе, 21 июл. (АМИТ «Ховар», Лутфия Эшонқулова).- Тайи 6 моҳи сипаригашта корхонаҳои коркарди пӯст 378,8 ҳазор дона пӯсти чорворо коркард намуданд, ки ин нисбат ба ҳамин давраи соли гузашта 30,8 маротиба зиёд аст.Тавре ба АМИТ «Ховар» аз шӯъбаи котиботи Вазорати энергетика ва саноати Ҷумҳурии Тоҷикистон хабар доданд, дар ин муддат ҶСШК «Атласи Хуҷанд» 54, 1 ҳазор метри тӯлонӣ матои атлас истеҳсол намудааст, ки нисбат ба ҳамин давраи соли гузашта ду маротиба зиёд мебошад.Бино ба иттилои манбаъ моҳи марти соли ҷорӣ бо иштироки Президенти Ҷумҳурии Тоҷикистон Эмомалӣ Раҳмон маросими ифтитоҳи корхонаҳои ҶСП «Олим Текстайлз»-и ноҳияи Масчоҳ ва фабрикаи ҷӯроббарории «Наврӯз»-и Зафаробод баргузор гардида, онҳо ба кори худ шурӯъ намуданд.Дар ин муддат корхонаи ҶСП «Олим Текстайлз» ба маблағи 6, 5 миллион сомонӣ ва фабрикаи ҷӯроббофии «Наврӯз» ба маблағи 1, 4 миллион сомонӣ маҳсулоти молӣ истеҳсол намуданд.