Барномаи милии рушди тибби оилавӣ дар ҶТ

Душанбе, 27 июл (АМИТ «Ховар», Мавҷуда Анварӣ). – Бо мақсади баланд бардоштани мақом ва тадбиқи самараноки тибби оилавӣ дар ҷумҳурӣ дар заминаи Қонуни ҶТ «Дар бораи тибби оилавӣ» 1 июли соли 2011 «Барномаи милии рушди тибби оилавӣ дар ҶТ барои солҳои 2011-2015» қабул гардид.Дар нимаи аввали соли равон 178 табиб ва 120 ҳамшираи тиббӣ давраҳои бозомўзии тибби оилавиро хатм намуда, айни ҳол 150 табиб ва 215 ҳамшираи тиббӣ бозомўзиро идома дода истодаанд. Дар ҷумҳурӣ дар маҷмўъ 2,635 табиб ва 2,883 ҳамшираи оилавӣ тайёр карда шудааст.Дар ин давра дар Донишкадаи такмили ихтисоси баъдидипломии кормандони тибби Тоҷикистон ва шўъбаҳои он 1,532 нафар шунавандагон, аз ҷумла 774 нафар табибон ва 758 нафар кормандони дорои маълумоти миёнаи тиббӣ ба таҳсил фаро гирифта шудаанд.