Бинои нави муҳофизони қонун

Хоруғ, 29 июл. (АМИТ «Ховар», Лутфишоҳ Додоев). – Кормандони шӯъбаи корҳои дохилии ноҳияи Рӯшон дар остонаи ҷашни Истиқлолияти давлатии Тоҷикистон соҳиби бинои нави замонавӣ гардиданд. Алидод Маликов, яке аз масъулони шӯъбаи мазкур, мегӯяд, ки чанд даҳсолаи ахир кормандони онҳо дар бинои кӯҳна ва дар шароити хеле номувофиқ фаъолият намуда, ба таҷҳизоти муосири коммуникатсионӣ низ дастраси надоштанд. Аммо алҳол бинои шӯъбаи корҳои дохили яке аз беҳтарин биноҳои ниҳодҳои ҳифзи ҳуқуқи вилоят аст. Чанде пеш Вазорати корҳои дохилии ҷумҳурӣ ба шӯъбаи корҳои дохилии ноҳия мошини хизматӣ тақдим кард.