Бозорҳо махсусгардонида мешаванд

Душанбе, 20 июл.(АМИТ «Ховар», Марзия Саидова).-Аз 15 сентябри соли 2011 дар тамоми бозорҳои  маҳсулоти кишоварзии пойтахт новобаста аз шакл ва тобеияти идоравиашон фурӯши маҳсулоти саноатӣ манъ карда мешавад. Қарори марбутаро шаҳрдории Душанбе бо мақсади ғанӣ гардонидани бозори истеъмолӣ ва ташкили нуқтаҳои иловагӣ барои фурўши маҳсулоти кишоварзию агросаноатӣ ва маводи ғизоӣ қабул кардааст. Дар робита Раиси шаҳри Душанбе дар ҷаласаи шаҳрдорӣ ба масъулини сохторҳои марбута дастур дод, ки барои дар бозорҳо  кушодани  мағозаҳои махсуси фурӯши моҳии зинда, ба унвонии Раиси шаҳр таклифҳо пешниҳод созанд.