Бозпас гардонидани ҷавонон аз мактабҳои динӣ

Кўлоб, 28 июл. (АМИТ «Ховар», Сулаймон Холов). – Барои роҳбарони ноҳияи Восеъ масъалаи ҳалталаб- ин аз мамолики хориҷи кишвар бозпас овардани ҷавононе мебошад, ки дар мактабҳои динӣ таҳсил мекунанд, — гуфт раиси ноҳия Султон Валиев. Ба иттилои ӯ аз ин ноҳия, мувофиқи маълумоти мавҷуда дар мактабҳои динии хориҷи кишвар 51 нафар толибилм таҳсил менамоянд. Дар натиҷаи гузаронидани корҳои фаҳмондадиҳӣ ва сӯҳбат бо волидону наздикони ин ҷавонон масъала тадриҷан ҳал мешавад. С. Валиев афзуд, ки аллакай 44 нафар толибилми ин мактабҳо ба Ватан баргаштаанд.