Бурёкӯбон дар ҳузури Сарвари Давлат

Душанбе, 22 июл. (АМИТ «Ховар», Дилшодаи Хайруллоҳ). – Президенти Ҷумҳурии Тоҷикистон Эмомалӣ Раҳмон дар расми ифтитоҳи бинои панҷошёнаи истиқоматӣ иштирок намуда, лентаи рамзиро қайчӣ кард. Бино дорои 75 ҳуҷра, аз ҷумла 15 хонаи якҳуҷрагӣ, 30 хонаи дуҳуҷрагӣ ва 30 хонаи сеҳуҷрагӣ буда, дар маҳаллаи нуҳӯми шаҳри Турсунзода ҷойгир аст. Ёдовар мешавем, ки фармоишгар ва маблағгузори бино ширкати КВД «Алюминии тоҷик» буда, барои сохтмони он 16 миллион сомонӣ сарф шудааст. Сохтмони бино моҳи апрели соли 2008 оғоз гардида, моҳи августи соли 2010 корҳои сохтмонию васлгарӣ ба анҷом расид. Сардори Давлат дар назди иштирокдорон суханронӣ намуда, калиди хонаҳоро ба соҳибонашон супорид ва ба роҳбарияти корхона супориш дод, ки сохтмони чунин биноҳоро зиёд намуда, ҳамаи кормандони ширкатро бо хонаи истиқоматӣ таъмин намоянд.Сафари Президенти кишвар дар ноҳияи Турсунзода идома дорад.