Дар 6 моҳ 116 млн. сомонӣ

Душанбе, 27 июл. (АМИТ «Ховар», ЛаззатДиловарзод).- Бино  ба иттилои мудири шӯъбаи рушди иҷтимоӣ ва робита бо ҷомеаи дастгоҳи раиси ноҳияи Рӯдакӣ Муҳаммадии Салим, маҷмӯи умумии истеҳсоли маҳсулоти хоҷагиҳои кишоварзии ноҳия то 1 – уми июли соли ҷорӣ 116 млн. 60 ҳазор сомонӣ ва иҷрои даромади буҷаи ноҳия 20, 6 фоизи ҳаҷми умумии истеҳсоли маҳсулоти дохилиро ташкил дод.Дар натиҷаи андешидани тадбирҳои зарурӣ, нақшаи даромади буҷаи маҳаллӣ ба андозаи 105 фоиз ё худ баробари 23 млн. 394 ҳазор сомонӣ иҷро шудааст, ки аз нақшаи пешбинишуда ба қадри 1 млн. 105,4 ҳазор сомонӣ ва нисбат ба ҳамин давраи соли 2010 3 млн. 253 ҳазор сомонӣ ё ин ки 15,7 фоиз зиёд мебошад.Нақшаи қисми даромади буҷаи ноҳия пурра иҷро гардида, ҷамъоварии ҳамаи 16 намуди андоз таъмин шудааст.Ба иттилои манбаъ, нақшаи шашмоҳаи андози иҷтимоӣ 7 млн. 723 ҳазор сомонӣ буда, иҷрои он ба андозаи 8 млн. 282 ҳазор сомонӣ иҷро гардидааст.